رد: الشاب فلول يحضر في اغنية لـBeur TV
من طرف سعداوي ربيع اليوم في 5:48 pm
يــا النّـــوي.... يــا النّـــوي....*****(طالع هابط) يضــــوّي
Beur TV راي تكــــــوي*****وفي الجزاير رجّالـــــــــه
(عمّر راسك) نمـــــــوذج***** لـ(بن غبريط) داروا هودج
يطلّقهــا ياما تفـــــــــرّج*****ورايحه تبقى هجّالـــــــــــه
(بوتفليقه) مسكيــــــــــــن*****مدوّر بيـــه مجانيــــــــــــــن
ومــــــادام رانا فايقيــــــن*****ما طوّلشي ذي الحالــــــــــــه
انا عندي خطــــــــــــــــــــات*****نفرّج فيهم لبنـــــــــــــــات
ومهما تكن راهي خـــلاة***** نرميهم في الزّبّالـــــــــــــه
عندي ليكــــــم بشـــــــاره*****اويحي راه في شكــــــــــاره
نوّضت عليـــه غبّـــــــــاره*****و(سعــــداني) معاي قبالـــه
(سعداني ) صح قصّــــاب*****وفي تونـــس كان طلاّب
وكي تفتفتحوا له الابواب*****عاد يحسبنا نخّالــــــــــــه
(توفيق مدين) كــي طــار*****رايح يكـــون من ثــــوّار
اذا شعلت النّــــــــــار*****ورايح يركـــب للجالـــــــــــه
الكرسي يدوّخ (حمـروش) *****بالنفقه طـــاروا لوحوش
(بن فليــس) ما شفتـــــوش*****راه يبحــث عـــن دالــــه
